كيان زياد

امك انا اسفة يابنتي مش عارفه كنت ازاي هأمن علي حياتك مع شخص بالبشاعه دي. انا اسفه يابنتي سمحيني يانن عين امك.
ماتقوليش كد ياماما ده قدر وربنا اكيد مكنش هيقدرلي الاذية.
حضنتني طنط 
قلبي كان بيتقطع عليكي يابنتي والله الف حمد لله على سلامتك يا عيوني.
حاولت ارفع ايدي عشان ابادلها الحضن مقدرتش ف تأوهت پألم ف اتكلمت تاني

ماتتعبيش نفسك يابنتي الدكتور قال انك لازم ترتاحي فترة.
في حرف الاوضة كان واقف زياد عيونه كانت حمرة و متركزة عليا بس مش بيتكلم حاولت اتغاضي نظراته و بصيت لبابا ب عدم فهم جيت اتكلم حسيت بنغزة جامد في جانبي ف اتكلمت بتعب 
هو اي ال حصل ياجماعة انا مش فاكرة حاجة اخر حاجه فكراها لما مراد قرب مني وبعدها ماحستش بحاجة.
انت بقالك اسبوعين في غيبوبة يابنتي 
اي.. اسبوعين
قاطع كلامنا دخول الدكتور ابتسم بهدوء وهو بيتكلم بأطمئنان 
لا عال عال النهاردة مؤشراتك كلها ممتازة وتقدري تروحي معاهم بكرة ان شاءلله بعد ما نطمن عليك النهاردة اكتر والف حمد لله على سلامتك يابنتي.
الله يسلمك يادكتور بس هو ال حصل.. 
اتكلم الدكتور ب هدوء
الطعڼة ال اخدتيها مكنتش خطېرة لدرجة الغيبوبة انت ال كنت رافضة الحياة عقلك الباطني مكنش مستعد خالص انه يرجع للحياة تاني ف مكنش في ايدينا حاجة نعملها لان علاجك كان في ايدك بعد ربنا طبعا. ونصيحة اخيرة يابنتي ماتديش الحزن اكبر من حجمه وبرضو ماتستهونيش ب حزنك لان التراكمات بتقتل الانسان من جواه.
كمل بضحكة بسيطة 
والحزن الدايم زي السجاير مضمر للصحة ومسبب للۏفاة عن اذنكم.
خرج الدكتور وانا مش فاهمة برضو اي ال حصل بالظبط ومراد عمل اي وهو فين دلوقتي ف الټفت لبابا تاني
بابا لو سمحت انا مش فاهمة حاجة..قولي ال حصل بالظبط.
اتنهد بثقل
لما دخل مراد البيت وزقني جري عليك وللاسف ضړبك ب السکينة الندل ولكن لولا ربنا وزياد ال ربنا بعته قبل مايطعنك تانيانا اسف يابنتي بس لما شوفتك واقعة في الارض ومتغرقة ډم مقدرتش اتحرك كأن الصدمة شلتني.
ومراد اي ال حصله..!
هنا اتكلمت ماما بعصبية
غار في ستين داهية الهي اشوفه والع مانلاقي بوء ميه نطفي بيه ناره لما زياد مسكه حاول يفلت منه هو كمان وجرحه فعلا في ايده جامد بس الحمدلله قدر يمسكه وبلغنا البوليس واهو محپوس پتهمة محاولة القټل
.
بصيت ل زياد ال كان لسه ماشلش عينه من عليا وهمست له بصوت واطي
شكرا.
ابتسم بهدوء وهو بيهز راسه.
تاني يوم رجعت البيت بعد ما الدكتور كشف عليا للمرة الاخيرة وعرفهم يغيرولي علي الچرح ازاي رجعت تاني البيت كان في حاجه جوايا قلقانة وخاېفة شكل مراد وهو جاي عليا بكل شړ مش راضي يروح من بالي. 
فات يومين كانوا كلهم بيهتموا بيا وبيحاولوا يخرجوني من الحالة ال انا فيها طنط مامت زياد كانت بتقعد معايا طول اليوم بس زياد ماشوفتوش من لما فوقت في المستشفي محدش فيهم كان بيتكلم عليه خالص وكنت مكسوفة اسألهم عنه.
فوقت من سرحاني علي صوت ماما 
كيان ياحببتي البسي نقابك وتعالي عشان في حد عاوز يشوفك برة.
بصيت لها بعدم فهم 
حد مين..
ابتسمت بهدوء 
اخلصي بس يا كيان وهتعرفي.
خرجت ماما وانا قومت بتعب لبست النقاب وخرجت ب خطوات مهزوزة كنت لسه داخل الصالون لما سمعت صوت ضحكة زياد حطيت ايدي علي قلبي وانا حاسه صوت ضربات قلبي تكاد تسمع. 
اخدت نفس عميق وانا بحاول اهدأ 
دخلت براحة واتكلمت بصوت واطي 
السلام عليكم ورحمة الله وبركاته 
القيت السلام ودخلت بهدوء قعدت جمب بابا ال طبط علي ايدي واتكلم بهدوء 
بصي يا كيان الاول تأكدي اني هقف معاك ايا كان قرارك زياد طلب ايدك مني تاني انا علي نفسي موافق لاني متأكد اني مش هلاقي حد افضل من زياد استأمنه عليكي اديله فرصة يابنتي. 
كمل وهو بيميل عليا واتكلم بصوت بهمس محدش سمعه غيري 
صدقيني بيحبك انت ماشوفتيش حالته في الاسبوعين ال فاتوا. 
رفع نظره ليهم واتكلم وهو بيوجه كلامه لماما وطنط. 
يلا نقعد في الصاله ونسيبهم يتكلموا شوية.
خرج بابا
وماما وطنط وسابونا لوحدنا. 
اتنهد زياد بثقل 
عارفة حسيت ب اي وانت واقعة في دمك قدامي.. 
بصيت له ب أنتباه ف اتكلم ب شرود 
حسيت اني انا الي متصاب حسيت ان قلبي حد ماسكه وعمال يطعن فيه الدنيا اسودت في وشي ماحستش بحاجة غير وانا ماسك مراد في ايدي وانا مقرر انه مش هيطلع من تحت ايدي عايش. 
حسيت بغصة وانا شايفه دمعه بتحاول تنزل من عينه
لما جبناك المستشفى والدكتور قال ان الطعڼة مش خطېرة بس التعب النفسي هو ال مأثر عليك كنت دايما اسمع بتحطيم القلوب بس اول مرة احس بيه حسيت انك مسؤلة مني وانا مقدرتش اكون اد المسؤلية.
زياد.. انا.. 
كيان سيبيني اكمل يمكن ارتاح انا اول مرة اشوفك لما طلبت ايدك من باباك كنت فعلا بسبب انك صعبتي عليا..
حاولت اتكلم تاني ف قاطعني
كيان اسمعي للاخر بقي يوم ماسمعتيني بكلم صاحبي كنت لسه هكمل واقول اني حبيتكحبيت كيان بنت عمي البنت الجدعة الحنونة. كيان انا بحبك وطالب ايدك للمرة التانية وارجوك وافقي والله هعوضك عن كل حاجة شوفتيها صدقيني بحبك ومش هتندمي معايا ابدا
سكت وانا فضلت ساكتة ولما طال سكوتي الحزن بان علي وشه اتنهد بحزن وو...
هتلتزم معايا بضوابط الخطوبة..!
ضحك بصخب
وحيات امك بتتكلمي بجد..!!
زياد!!
قام بسرعة وهو بينده علي ماما وطنط وبابا
ياقلب امك..الف مبروك يا اول.
اتكلم زياد بحماس
يلا ياطنط هاتي فستان كيان وانت ياماما الشبكة بسرعة وحضرتك ياعمو شوفلي المأزون اتأخر ليه.
بصيت لهم بتوهان وهما بيتحركوا من قدامي بسرعة
استنوا استنوا انتوا بتعملوا اي..
خبط زياد علي راسه بدرامية
هو نسيت اي نسيت اي نسيت اي..اها صح نسيت اقول للعروسة ان الايام الي فاتت كلها كنت مختفي عشان بجهز لخطوبتنا وكتب كتابنا و ان النهاردة كتب كتابنا.
زياد ماتهزرش..لا يمكن الكلام د يحصل.
بارك الله لكما وبارك عليكم وجمع بينكم في خير
اول ماختم المأذون بجملته المعتادة ارتفعت صوت الزغاريط وانا لسه بستوعب الي حصل..!!

بقلمي_shahd_farrag
كيان_زياد
تمت