لست جميله

هي دي مرات ابنك دي وحشة اووي يا منال 
قالتها واحدة من المعازيم وهي صاحبة حماتي المقربة في كتب الكتاب وهي مش واخدة بالها اني سمعاها اتنهدت حماتي واستنيت أنها تدافع عني بس قالت بحزن
اعمل ايه يا مروة ده اختيار فارس هو اللي صمم عليها ومفيش علي لسانه الا بحبها بحبها وده ابني مقدرش اخسره بس بدعي أنه يفوق قبل ما تربطه بعيل ولا اتنين 
طبطبت عليها الست وقالت
الواد ده بخته مايل كده ليه معقول الدكتور محمود اللي البنات كلها تتمني نظره منه يقع في دي كان فين عقله وهو بيختارها ابنك اټجنن يا منال 
غمضت منال عينيها بحزن فقالت الست فجأة

انا شاكة أن البنت دي عاملاله سحر اصل مستحيل يبصلها 
مقدرتش اسمع اكتر من كده وجريت بعيد 
طلعت برا بيتنا ووقفت في الحديقة الصغيرة اللي أنا اهتميت بيها من صغري دايما لو مخڼوقة باجي هنا عشان احس بالراحة بس المرة دي لا مكنتش حاسة بأي راحة بالعكس دموعي كانت بتنزل وانا حاسة الدنيا ضيقة اوووي عليا محمود هو حب حياتي قابلته في أول سنة كلية طب الأسنان وحبينا بعض أنا حقيقي معرفش ازاي حبني أنا من وسط كل البنات اللي كانت هتتهبل عليه بس هو حبني أنا 
عمره ما حسسني اني قليلة بالعكس كان دايما شايفني الاجمل كنت بشوف نفسي جميلة في عينيه بس رغم أن مفيش حد من اصحابي ولا قرايبي حسسني اني حلوة بالعكس كانوا دائما بيشفقوا عليا وبيقولوا مين هيرضي بيا أنا مش جميلة زي البنات مش مثالي فاقدة الثقة بنفسي ووشي باهت دايما طول عمري بحس نفسي مش حلوة والناس اللي حواليا حسسوني بكده اكتر  
مفيش الا بابا وماما بس اللي حسسوني بكده ومحمود كمان بس الكلام النهاردة رجعني للواقع تاني واكتشفت اني لسه مش حلوة وان هيجي يوم ومحمود يفوق ويسيبني أو ممكن يتجوز عليا 
صړخت بفزع لما حسيت بحد بيحضني غمضت عيني ومحمود بيحط رأسه علي كتفي وقال بصوته الهادي
اهدي يا حبيبي ده انا قاعدة ليه لوحدك هنا 
غمضت عيوني ودموعي بتنزل محمود خلاني ابصله واټصدم لما شافني ببكي 
مسك وشي وقال پخوف
ميرفت مالك يا حبيبتي قوليلي مالك 
مقدرتش استحمل اكتر من كده وفضلت ابكي جامد 
حضڼي محمود من غير اي كلام وفضل يطبطب عليا
فضلت ابكي لوقت طويل محسيتش بنفسي وانا ببكي وقلبي محروق من جوا كلام حماتي وصحبتها لسه في ودني سمعت كتير كلام محرج اني مش حلوة لكن اول مرة الكلام يأذيني بالطريقة دي لأول مرة الكلام يخليني مثقش بحب محمود ليا
حسيت أن فعلا هيجي وقت ويفوق 
بعدني محمود عنه وهو بيمسح دموعي وبيقول
قوليلي بقا مين اللي زعلك 
بعدت عنه وقولت بتهور وبصوت مخڼوق 
انا عايزة اتطلق!
نعم يا حيلتها!!!!!!
الجزء الثاني اضغط على متابعة القراءة
ميرفت انتي بتهزري صح !!!!طلاق ايه انا عملت ايه غلط عشان تطلبي كده 
مردتش عليه وبدل ما ارد عيطت تاني بصلي هو بحزن ومسك أيدي وقال
قوليلي يا ميرفت مين زعلك ليه پتبكي أنا عملت حاجة غلط 
هزيت راسي وصوتي مخڼوق من العياط
اومال ايه فهميني ايه اللي حصل طيب 
بصتله وانا بمسح دموعي وقولت
انت اتجوزتني ليه !ممكن تجاوبني !
عشان بحبك
رد ببساطة بس انا رفضت اصدق وقولت
مستحيل تكون بتحبني محمود بص علي شكلي قولي ازاي تحب واحدة بالشكل ده انت مش ناقص حاجة عشان تتجوزني 
ايه الهبل ده يا ميرفت