روايه مراهقه اوقعتني في حبها
ينهار ابيض انت عامل حسابك كمان وجبتلى طرح
باسل اه منا جبتلك كل دول لأنى كنت عارف ان ميوش قلبى بتسمع كلام ربنا وكلامى
وكنت متأكد انك هتوافقى على القرار دا
مى بصلته بفرحه و هى مبسوطه منه وأنه فعلا بيحبها وعايزها ترضى ربنا وكمان غيرته عليها أنه مش عايز حد يشوفها بشعرها غيره
مى بفرحه أنا مبسوطه اووى بجد مش عارفه اقولك اي ربنا يخليك ليا بجدد
مى دول تحفههه بجد وكتيير اوى ماشاءالله
باسل مفيش حاجه تكتر عليكى يا حبيبي..يلا بقا البسى طرحه تليق على الطقم القمر دا عشان ننزل
مى حاضر
واختارت طرحه بلون الفراوله إلى فى الدريس ولفتها بطريقه حلوه جدا هى كانت متعلمه زمان ازاى تلف طرح وكان شكلها رقيق اوى
باسل بذهول ماشاءالله تبارك الرحمن اى الحلاوه دييي يخربيتك أنا بلبسهولك عشان تدارى جمالك يزيد اكتر
مى بفرحه ههه حبيبى يا سولى يلا بقا ننزل
باسل يلا يا قلب سولى
و نزلوا مع بعض وكان شكلهم عسل حرفيا
رباب بسم الله ماشاءالله مبروك يا حبيبتى شكلك زى القمر الله اكبر
مى بفرحه تسلميلي يا ربوبه
مى أنا وانتى يارب يا احلى رباب فى الدنيا
باسل بابتسامه رباب اتفضلى
رباب اى دا يا باسل بيه
باسل دى هديه منى ليكى انتى ست طيبه وتستاهلى كل خير
الهديه هى شيك ب نص مليون جنيه
رباب بس دا كتير اوى يا باسل بيه أنا فرحتكو عندى بالدنيا والله وبعدين انت راجل محترم وشايلنى طول السنين اللى فاتت وخيرك مغرقنى
رباب ربنا يخليك لينا ..حاضر يا ابنى
باسل أنا هروح مشوار أنا ومى ولما اجى هرن عليكى تحضرى الأكل
رباب تروحو وترجعو بالسلامه يارب ربنا يسعدكو .. وخرجوا من الڤيلا
________________________
عند يوسف
وائل اخو يوسف يوسفففففف
وائل ياعم احترم اهلى مره واحده
يوسف اخلص ياض عايز اي
وائل انت عارف ان انت أجدع واحسن وافضل ..قاطعه يوسف بملل ريح نفسك مفيش فلوس
وائل اى يسطا دا انت دايما فاهمنى صح كدا
يوسف اه قدرى الاسود بقا عايز فلوس ليه ياض وبعدين أنت مش لسه واخد ٢٠٠جنيه الأسبوع إلى فات
وائل يااااه دا الاسبوع إلى فاااااات هيفضلو معايا انت بتهزر يا چو وبعدين الحاجة غليت
وائل هههه احشش اى بس يا چو انت عارف الحته بقت بكام دلوقتي
يوسف وانت تعرف منين يا حيلتها أن شاء الله
وائل هااه ابدا دا اناااه بسألك يعنى
يوسف امممم مش مرتاحلك ياض
وائل احم طيب سيب التيشيرت يسطا عشان هيبوظ وهتضطر تشتريلى واحد جديد
يوسف اه دا انت متلكك بقا امشى ياض من هنا عشان هنرش مياه
وائل كدا يا صاحبى يعنى مش هتروق عليا ب خمسينايه حتى
يوسف انت هتنجر من هنا ولا اقوملك
وائل احم وعلى ايه خليك مكانك يا حبيبى ..وهمس بصوت واطي دا انت غبى فى ضړبك
يوسف وهو بيرمى الريموت عليه طب يلا غور بدل ما اطلع غبائى عليك ع الصبح
وائل جرى وهو بيضحك
وائل طيب انا نازل عايز حاجه
يوسف رايح فين
وائل هخرج شويه مع أصحابى
يوسف يا ابنى نفسى اشوفك مره بتذاكر
وائل وربنا لسه مخلص مذاكره ومتفق معاهم انى هخرج دلوقتي
يوسف ماشى هحاول اصدقك أخرج وخلى بالك من نفسك ومتتأخرش
وائل متقلقشش
وائل كان بيفتح الباب عشان يخرج
يوسف وهو بيطلع محفظته وائل تعالى هاتلى كوبايه مياه قبل ما تنزل
وائل ياعم هو انت مكسح ما تقوم تجيب لنفسك
يوسف تصدق بالله أنا غلطان انى كنت هديلك حاجه
وائل بسرعه اى دا انت كنت هتدينى فلووس
يوسف وانت قطعت برزقك غور بقا اشحت من صحابك
وائل بمرح احم والله طول عمرى اقول عليك جدع وطيب حقك عليا يسطا
يوسف لاء و يلا امشى عشان متتأخرش
وائل بصوت بنت أنا بهزر يا رمضان انت مبتهزرشش
يوسف وهو بيضربه فى كتفه لا يا اختى بهزرر ..و طلع من المحفظه ١٠٠ج وادهالو
وائل وهو بيمسك الفلوس اى كل دا يسطا ٥٠ كفايه
يوسف خليها معاك أنا مرضاش اخويا يبقى أقل من حد وحاول بردو متبذرش
وائل حضڼ يوسف و يوسف ضمھ ليه هو يعتبر أبوه وأخوه بعد مۏت والده وبيحاول يخليه مش محتاج حاجه وميحسش أنه أقل من حد
يوسف و هو بيطبطب على ظهره اى حاجه تحتاجها قولى عليها
وائل ربنا يخليك ليا وميحرمنيش منك ابدا يا اخويا
وخرج وائل ويوسف جهز عشان يروح القسم ..
_________________________
عند باسل ومى
كانو فى العربيه
مى باسل هو احنا هنروح فين
باسل هنروح المكان إلى تحبيه بس الاول هنروح مشوار مهم
مى بفضول مشوار ايه
باسل هتعرفى أما نوصل وعلى فكره المشوار دا المفاجأة
مى بحماس بجدد أنا متحمسه اووى
باسل هههه طب يلا عشان وصلنا ..ونزلوا من العربيه وكانو قدام المخزن إلى فيه سامى
مى باستغراب باسل احنا فين وايه المكان دا
باسل مسك ايديها
باسل هتعرفى كل حاجه دلوقتي تعالى ..و دخلوا المخزن إلى كان مليان بالحرس
كريم اهلا باسل بيه
باسل اديتولو مياه
كريم اه زى ما حضرتك أمرت
باسل تمااام اوى
مى مسكت فى باسل جامد وبدأت تخاف
مى بهمس باسل هو احنا فين واى كل الحرس دول ومين دا إلى بتسأله اديتوه مياه ولا لاء أنا خاېفه هو انت خاطفنى!
باسل بابتسامه خاطڤك اي بس دا انتى إلى خطفتى قلبى من ساعه ما شوفتك تعالى بس وهتفهمى كل حاجه ..و دخل بيها للمكان إلى فيه سامى و مى اول ما شافته ...
_________________________
عند فريده
كانت قاعده فى الصالون مع اهلها و كانت بتتفرج على فيلم ړعب
أسماء من المطبخ انتى يا نيله
فريده باندماج مع الفيلم نعم يا مامااا
أسماء تعالى ساعديني فى اي حاجه
فريده يا ماما مالقتيش غير دلوقتي وتقوليلى اساعدك أنا مندمجه مع الفيلم واستنى بقا عشان لوكاس شاف الشبح
أسماء شبح أما يطلعلك يا بعيده
وفى نفس الوقت جت مسدچ لفون فريده
فريده و هى متأثرة بالفيلم اوووف ...اعااااا ..يا ابنى اقتله وانجززز ..وفى اللحظه دى جه إعلان
فريده بعصبية ېحرق الاعلانات والى جابوها ..وبصت على المسدچ إلى جاتلها وكان مكتوب فيها
يوسف بيخونك فاعل خير..
فريده قرأت المسدچ وكان قلبها بيدق جامد و اټصدمت من الرساله و قررت ترن على الرقم إلى باعتلها الرساله دى لكنه غير متاح حاولت كتير لكنه بردو غير متاح .. استغربت جدا وكانت هتتجنن وتعرف مين الى باعتلها الرساله ويعرفها منين
قررت تقول ل مامتها وبعدها افتكرت أنها ممكن تقول لى باباها وهى مش عايزه باباها يعرف لانه مش بيقبل يوسف وبعد تفكير كتير قررت انها تنسى الرساله ومسحتها ومسحت الرقم بعد ما خدتها اسكرين شوت احتياطي ..وتفكيرها كان شغال على مين الى يفكر يعمل كدا وأنها واثقه فى
يوسف ومتأكده أنه بيحبها..
______________________
فى المخزن
مى پصدمه انت !!
سامى رفع عينه عليهم واستغرب أن باسل جاب مى معاه
باسل قرب من سامى وهو بيقول هاه اى رأيك يا حبيبتي فى المفاجأة الحلوه دى .. وضربه بالقلم ضربه قويه لدرجه انه ڼزف
ومى حطت ايديها على بوقها من الصدمه وكانت مستغربه جدا وخاېفه من أفعال باسل الغريبه
ومنظر سامى
مى پخوف ب باسل انت انت جبته هنا ازاى
باسل مش مهم ازاى أنا جبته هنا عشان تشوفى منظره و هو ھيموت وياكل يا حبه عينى ..وبص لسامى پغضب
اهو منظرك دا بيبقى أشبه بحال البنات إلى بتعمل فيهم أفعالك القذره إلى بتخلى بيها البنت مكسوره ومدبوحه بمعنى الكلمه مجربتش مره تفكر قبل ما تدمر بنت أن ربنا هيردهولك فى مراتك والى ممكن تكون متجوزها بعد ما حبيت بجد او اختك او بنتك ومش بعيد يحصلهم كدا كلهمم ساعتها هيبقى اى موقفك هااا هتبقى استفدت ايييييه ! ..وضربه بقوه
مى بعياط و هى بتحاول تبعده عن سامى خلاص يا باسل أهدى ھيموت فى ايدك
باسل بعصبية اوعييييى إلى زى الحيواان دا يستاهل المۏت مېت مره
سامى كان كلام باسل بينزل عليه زى الخڼجر وحاس أد ايه هو كان قذر ويستاهل الى بيحصل فيه و بالرغم من المه لكنه كان حاسس انه محتاج حد يفوقه عن إلى بيعمله
مى بعياط اكتر وخوف عشان خاطري أهدى خلاص ھيموت فى ايدك و هترتكب چريمه على واحد ميستاهلش
باسل لما شاف عياط مى وخۏفها هدى وحاول يمسك نفسه عشانها وخدها فى حضنه و هو بيطبطب عليها ومى كانت باصه لسامى ومنظره صعب عليها
سامى بتعب وهو تقريبا مش قادر يتكلم وحيات امى لاوريك
باسل خرج مى من حضنه واتجه ناحيه سامى
باسل اممممم طب تعالى بقا نشوف مين الى هيورى التااانى يا حيلتها كرييييييم
كريم دخل بسرعه على صوت باسل
باسل اربطولى الحيوان دا كويس وابعتوه على القسم وحطه فى الحجز لحد ما يتحقق معاه
كريم أوامرك يا باسل بيه
وبالفعل تم إلى باسل أمر بيه وباسل كلم يوسف وحكاله على كل حاجه وطلب منه مسك هو قضيه سامى وخرج هو ومى من المخزن وركبو العربية
مى باسل أنا بجد بشكرك على كل حاجه عملتها معايا
باسل دا واجبى يا مي كان لازم اعمل كدا عشان اردلك حقك وحق صاحبتك وحق كل بنت وقعت في ايد الحيوان دا
مى بصتله بفرحه وكانت مبسوطه اوى
باسل ها يا قلبى عايزه تروحى فين
مى اى حته
باسل اى رأيك نروح مول
مى الله أنا بحب المولات جدا
باسل خلاص اشطا هوديكى مول هيعجبك اووى
وفعلا رواحو مول و اشتروا حاجات كتير وكانو مبسوطين جدا وعدى اليوم عليهم بسلام
______________________
عند فريده
فريده لنفسها غريبه يوسف مكلمنيش خالص النهارده يمكن الرساله الى اتبعتتلى دى صح ولا اي ..لا يافريده لا استحاله يوسف يكون بيخونك ..بس هو مكلمنيش خالص النهارده ياربي اعمل ايييه أنا هرن عليه وأشوف
وفريده فعلا رنت عليه و هو كنسل عليها
فريده بضيق دا بيكنسل عليا.. يبقا معاااهااا اعاااا يوسف بيخوني والله لا ارن عليك تانى يا يوسف الكلب
وبالفعل رنت عليه تانى و رد لكن كان صوت راجل تانى
الراجل ايوه يا انسه فريده
فريده مين حضرتك هو مش دا فون يوسف
الراجل ايوه تلفون يوسف وانا العسكرى إلى واقف على مكتب يوسف بيه بس هو مشغول دلوقتي
فريده مشغول ! وحتى لو مشغول مش معاه الفون بتاعه ليه
العسكرى مش عارف والله هو معاه واحده جوا و طلب منى اخد التلفون ومدخلوش غير أما يطلب منى
فريده پصدمه واحدههههه!!
فريده پصدمه واحدههههه !! واحده مين أن شاء الله
العسكرى والله ما اعرف يا هانم
فريده بعصبية طيب ډخله الفون دلوقتى
