قصه نخله زركش

شوفت حاجة خليتني رجعت بنظري تاني عليها بسرعة شوفت شخص واقف تحت النخلة دي و بيبص ناحيتي كنت بحاول ادقق بالنظر ليه لكن كنا بالليل و مش قادر أحقق هو مين ! و لا قادر حتي أحقق ملامحه لأن برضه المسافة بيني و بينه كانت بعيدا و كانت الدنيا بالليل و ضلمة فجأة سمعت حاجة وقعت ورايا لما بصيت ملقتش حاجة ! لكن رجعت بصيت تاني علي الشخص اللي واقف تحت النخلة لكن ملقتوش ! الغريب اني في المكان دا انا قاعد لوحدي مفيش ناس حواليا يعني مفيش جنس مخلوق غيري في المكان دا و بعدين الراجل دا راح فين ! . مسافة ما بصيت ورايا و رجعت بصيت تاني ملقتوش ! في لمح البصر كان أختفي ! دخلت من البلكونة و حطيت المج اللي كان فيه النسكافيه علي الفاترينة و رحت علي السرير و اتلقحت من التعب لكن لسه بغمض عنيا و سمعت خبط علي الباب القزاز بتاع البلكونة لما بصيت شوفته شوفت الراجل اللي كان واقف تحت النخلة واقف ورا قزاز باب البلكونة بيخبط و هو باصص ناحيتي و بيبتسم بسرعة رهيبة وقفت مكاني لكن وقعت في الارض من السرعة و الخضة لكن وقفت بسرعة وانا رايح ناحية باب البلكونة بس ملقتش الراجل فتحت الباب و خرجت في البلكونة و انا ببص فيها يمين وشمال البلكونة كانت فاضية بصيت ناحية النخلة و بعدين دخلت طول الليل فضلت صاحي يمكن قدرت نام في وش الصبح لما صحيت كان وقت عصر قومت و اخدت دش و عملت فطار و فطرت و خرجت من البيت وانا بحاول اشم هوا و اعمل شوية تمارين متعود عليهم و في لحظة مانا بتمشي قدام البيت عيني لمحت النخلة و هنا وقفت مكاني من الصدمة ! النخلة مفيهاش ولا بلحة واحدة ! النخلة أصلا مېتة و الزعف بتاعها يابس تماما ! أيه ده ! دا انا شايفها كانت مليانة بلح كتير امبارح ! و انا وأكل منها ! خرجت الموبيل عشان أكلم عمي عن حكاية النخلة دي لكن مكانش في شبكة كنت باصص للنخلة پصدمة واندهاش ركبت العربية بتعتي و رحت ناحية القري عشان اشتري شوية حاجات وعي اخر النهار ميلت علي بيت عمي عشان اشوف عمي و أقوله علي النخلة لكن ملقتوش في البيت مشيت و كنت راجع علي البيت كان الليل جه و لما وصلت عند البيت وانا سايق العربية و في لحظة مانا سايق عنيا لمحت النخلة و لما عنيا جت علي النخلة شوفته متشعلق في النخلة من فوق كان نفس الشخص كنت باصص ليه و صرحان لحد ما لقيت الهربية خبطت